Almaty ákimi «Aınalmaly dóńgelek» átkenshegine mindi
ALMATY. QazAqparat - Almatyda HappyEye "Aınalmaly dóńgelek" átkensheginiń resmı ashylýy ótti.
HappyEye - Ortalyq Azııadaǵy eń úlken "Aınalmaly dóńgelek" átkenshegi. Nysan MEGA Alma-Ata OSO aýmaǵynda ornalasqan.
Jańa dóńgelektiń bıiktigi 60 metrge deıin jetedi. Jabyq túrdegi 40 kabınada 208 oryn bar. 
Uıymdastyrýshylardyń aıtýynsha, jobaǵa salynǵan ınvestıtsııa kólemi 1,5 mlrd. teńge. Aldyn ala boljam boıynsha, 4-5 jylda joba óz qunyn aqtap shyǵady. 
Jańbyrly aýa raıyna qaramastan, ashylý sharasyna kishkentaı balalar keldi, anımatorlar olardyń kóńilin kóterdi. Ashylýdan keıin árbir bala ata-anasymen birge qalany sholyp shyqty. Velojarys ashylýynan kelgen Almaty ákimi Baýyrjan Baıbek olarmen birge qydyrdy. 
Úlkenderge arnalǵan bılet quny 1200 teńge, al 5-12 jas aralyǵyndaǵy balalarǵa - 800 teńge. 5 jasqa deıingi balalar tegin mine alady. Kabınanyń aınalý ýaqyty - 16 mınýt.
