Almaty ákimi AQSh-tyń Bas konsýlymen kezdesti
Kezdesý kezinde taraptar saýda-ekonomıkalyq, ınvestıtsııalyq, mádenı-gýmanıtarlyq yntymaqtastyq máselelerin talqylady.
AQSh-tyń Bas konsýly Qazaqstannyń iskerlik, mádenı, bilim jáne ǵylym ortalyǵy bolyp tabylatyn Almatynyń eki jaqty baılanys úshin mańyzdy ekenin atap ótti.
«Almaty - Amerıka konsýldyǵy jáne Qazaqstanda bıznes ashýǵa yntaly AQSh kompanııalary júginetin Amerıka saýda palatasy ornalasqan Orta Azııadaǵy jalǵyz qala. Men munda 2004 jáne 2008 jyldary bolǵan edim. Qala sondaı tartymdy, qaıta aınalyp kele bergiń keledi. Osy jerde jumys isteýge múmkindik týǵanyna qýanyshtymyn. Men Almatyda úlken oń ózgeristerdiń bolǵanyn kórdim, jaıaý júrginshiler úshin jaqsy ınfraqurylym jasalǵany baıqalady, qoǵamdyq keńistik barynsha ashyla túsken», - dedi Erık Maıer.
Almatyda qazir telekommýnıkatsııa, qarjy, saýda jáne basqa salalarda amerıkandyq kapıtalmen 168 kompanııa jumys isteıdi.
Almaty men AQSh arasyndaǵy taýar aınalymy ótken jyly 400 mıllıon AQSh dollarynan asty.
