Almaty ákimi Abaı kóshesin sozý qashan aıaqtalatynyn aıtty
ALMATY. QazAqparat – Almaty ákimi Baqytjan Saǵyntaev Almaty telearnasyndaǵy tikeleı efırde Abaı kóshesin sozý qashan aıaqtalatynyn aıtty, dep habarlaıdy QazAqparat tilshisi.
«Biz belgili bir jumystardy atqaryp boldyq. Alaıda, ol jerde óte kóp kólemde súrý jumystaryn júrgizý kerek eken. Sot otyrystary da ótti, keıbir jerlerdi qarjylandyrýǵa qarajat jetpedi. Kelesi jyly qarjylandyrý máselesin qaıta qarap, oń sheshimin taptyq», - dedi Akimat Live efırinde qala ákimi.
Onyń aıtýynsha, bul jobalarǵa qarajat tek jergilikti bıýdjetten ǵana emes, respýblıkalyq bıýdjetten de bólinedi.
«Abaı kóshesin sozýdy keler jyldyń sońyna deıin aıaqtaıtyn bolamyz. Bul basqa kóshelerdegi júktemeni azaıtýǵa kómektesedi», - dedi ákim.
