Almaty ákimi A.Esimov selden japa shekken turǵyndarmen kezdesti
ALMATY. QazAqparat - Almaty ákimi Ahmetjan Esimov qalpyna keltirý jumystary júrgizilgen Alataý jáne Naýryzbaı aýdandaryn aralap shyqty. Aıta keteıik, 23 shildede atalǵan aýmaqta sel bolǵan edi.
Ákim sý jınaý qurylǵysyn, sý sorý stansasynyń jumysyn, plotınanyń qazirgi tehnıkalyq jaǵdaıyn tekserip shyqty. Sondaı-aq, qala ákimi selden japa shekken aýmaqtyń turǵyndarymen kezdesip, olardyń jaǵdaıymen tanysty.
Turǵyndar tótenshe jaǵdaıdyń saldaryn joıýda barlyq qurylymdar tabandy eńbek etip, aýdan ómirin qaıta qalpyna keltirgenin jetkizdi.
«Qalpyna keltirý jumystary qatań kestemen júrgizilip keledi. Qarǵaly ózeniniń boıynda ornalasqan barlyq kóshe tazartyldy. Barlyq úı elektr energııasymen, tabıǵı gazben, baılanyspen qamtyldy. Aýdan jaqyn arada sýmen tolyǵymen qamtylady», - dedi ákim.
Aıta keteıik, «Holdıng Almaty sý» MKK habarlaýynsha, búgin Naýryzbaı aýdanynyń turǵyndaryna sýyq sý berile bastady. Sýdyń tolyq tunbaǵanyna baılanysty, ázirge berilgen sý aýyz sýǵa jatpaıdy. Qazir turǵyndarǵa aýyz sýdy 1+9 sý tasyǵysh kóligi tasymaldap jatyr.
