Almaty ákimi № 142 mekteptiń «Sońǵy qońyraý» sharasyna qatysty
ALMATY. Mamyrdyń 25-i. QazAqparat /Erbol Azanbek/ - Búgin Almaty qalasynyń ákimi Ahmetjan Esimovtiń qatysýymen № 142 mektepte «Sońǵy qońyraý» jáne mekteptiń ekinshi bóliginiń ashylý sharasy ótti,
dep habarlaıdy QazAqparat.
Sońǵy qońyraý sharasy barysynda qala ákimi túlekterge aq jol tilep, oqý jylynyń aıaqtalýymen, sondaı-aq mektep janynan salynǵan qosymsha jańa ǵımarattyń paıdalanýǵa berilýimen quttyqtady. Atalǵan jańa ǵımarat «100 mektep, 100 aýrýhana» baǵdarlamasy aıasynda ótken jyldyń maýsym aıynda bastalǵan bolatyn. Memleket tarapynan 205 mıllıon teńge bólingen ǵımarat 3 qabatty. 288 orynǵa laıyqtalǵan. Ǵımaratta kıim sheshetin bólme, 100 oryndyq ashana men sport zal, 13 oqý kabıneti, 2 kompıýter synyby bar. Jalpy ǵımaratty quraldarmen jabdyqtaý úshin 15,5 mıllıon teńge jumsalǵan.
Qazirgi kezde qalada 1 mektep pen 2 balabaqsha ǵımaratynyń qurylysy júrgizilýde. Sondaı-aq 1200 oryndyq 4 mektep paıdalanýǵa berildi.
