Almaty ákimdiginiń ýádesi: Búgin keshke deıin joldar qardan tazalanady
ASTANA. QazAqparat - Almatylyqtar úılerine qardan tazartylǵan jolmen qaıtatyn bolady. Bul jaıynda Almaty qalalyq tabıǵı resrýstar basqarmasynyń jetekshisi Eldar Keldibaev málim etti, dep habarlaıdy QazAqparat.
«Qorqynyshty eshteńe bola qoıǵan joq. Ádettegideı qar jaýyp tur, ýaqyty keldi», - dedi ol.
Onyń aıtýynsha, túngi birde bastalyp, taǵy 6-ǵa deıin úzbeı jaýǵan qar kommýnaldyq sharýashylyqtarǵa qıyndyq týyndatýda.
«Qar normaǵa sáıkes 5 santımetr túskende biz alǵashqy seppe jasadyq. Odan keıin saǵat 3-te sypyryp shyqtyq. Óıtkeni, joldardy taǵy qar basyp qaldy. Osydan keıin biz taǵy da seppe jasap, tańǵy 6-da tazalap aldyq», - dedi basqarma jetekshisi.
Onyń atap ótýinshe, joldardaǵy mı batpaq qar men geagentterdiń aralasýynan paıda bolǵan.
«Qar óziniń jabysqaqtyǵyn joǵaltyp, laılana bastady. Odan qorqý qajet emes. Kóktaıǵaq joq, dóńgelek tejegishi jol boıynda jaqsy ustaıdy. 18-00-ge qaraı qardyń jaýýy tıylady dep kútilýde jáne biz barlyǵy da úılerine taza jolmen bara alatyn bolady dep nyq senimmen aıta alamyz», - dedi Keldibaev.
