Almaty ákimdiginiń ǵımaraty qazan aıynda jóndelip bitedi

ALMATY. QazAqparat – Almaty ákimdiginiń baspasóz qyzmeti Qańtar oqıǵasynda búlingen ákimdiktiń ǵımaratynda qazir qandaı jumystar júrip jatqanyn málim etti, dep habarlaıdy QazAqparat tilshisi.

Ákimdiktiń málimetinshe, Tótenshe jaǵdaıdy engizý týraly Prezıdenttiń 2022 jylǵy 5 qańtardaǵy №725 tapsyrmasyn oryndaý maqsatynda Úkimettiń tótenshe rezervinen Almaty ákimi apparatynyń ǵımaratyn qalpyna keltirý jumysyn bastaýǵa qarajat bólingen.

«Memlekettik satyp alý týraly» zańnyń 39-baby 3-bóligi 4-tarmaqshasy negizinde 2022 jyly 27 sáýir kúni Almaty qalasynyń qurylys basqarmasy men «Atrıks-Stroı» JShS arasynda Almaty qalasy ákimi apparatynyń ǵımaratyn qaıta jańartý týraly shart jasalǵan.

«1, 2, 3 pavılon boıynsha smetalyq qunnyń somasy - 12 662 747 myń teńge jáne 4 pavılon - 4 484 643 myń teńge (barlyǵy 17 147 390 myń). Búgingi tańda barlyq pavılondardy demontajdaý jáne seısmıkalyq kúsheıtý jumystary aıaqtaldy, ishki árleý jumystary, ınjenerlik jelilerdi tóseý, salqyndatý júıesi jabdyqtaryn ornatý, falshedenderdi montajdaý, qasbetti mármár jáne travertınmen qaptaý, tereze bloktarynyń qurylysy júrgizilip jatyr. Osy jyldyń maýsym aıynan bastap barlyq pavılondardy kezeń-kezeńimen tapsyrý josparlanǵan. Jumystar kestege sáıkes atqarylyp jatyr. Qurylys-montajdaý jumystaryn aıaqtaý qazan aıyna belgilengen», - dep habarlady ákimdiktiń baspasóz qyzmeti.