Almaty ákimdigi jylý baǵasynyń qymbattaý sebebin túsindirdi
ALMATY. QazAqparat - Almaty turǵyndary naýryz aıynda jylý tarıfi 2 esege qymbattaǵanyna alańdaýly, dep habarlaıdy QazAqparat tilshisi.
Turǵyndar aqpan aıynda bir sharshy metri úshin 60-80 teńge tólegen bolsa, naýryzda 147-200 teńge tóleýge tıis bolǵan. Al qańtardaǵy tólem túbirtekterinde jylý quny 136 teńge dep kórsetilgen.
Qalalyq Jylý energııasy kesheni kásiporyndarynyń resmı ókili ıAn Gırınniń aıtýynsha, 2018 jyly 1 qańtardan bastap jylý energııasymen qamtý qyzmeti qymbattaǵan. Jańa baǵa antımonopolııalyq vedomstvonyń qujatymen bekitilgen.
«Osydan soń aqpanda da, naýryzda da tarıf kóterilgen joq. Naýryzda aqpanda tutynylǵan energııanyń túbirtegi keledi. Aqpanda Almatyda qatty aıaz boldy. Qazir jalpy barlyq úıge jylý ólsheý quraldary ornatylǵan. Úıdiń ishki jylytý júıesi jekemenshik kompanııalardyń qaraýynda. Jylý aqysy paıdalanylǵan jylý kólemine baılanysty shyǵady. Eger kóppáterli úıde jalpy ólsheý quraly tursa, onda shyqqan shyǵyn barlyq páter ıelerine bólinedi. Eski úılerde ólsheý quralyn qoıý múmkin emes. Olar basqa shemamen tóleıdi. Eger ólsheý quraly durys istemese, úı ıeleri maksımým mólsherde tóleıdi», - dedi ıAn Gırın.
Aıta ketý kerek, QR UEM Tabıǵı monopolııalardy retteý departamentiniń 2017 jylǵy 13 jeltoqsandaǵy buıryǵymen «Almaty jylý jelileri» JShS saralanǵan tarıfteri tómendegideı belgilengen: jeke tulǵalarǵa - 7267 Gkal/tg, jalpy ólsheý quraly bar jeke tulǵalarǵa - 5327,78 Gkal/tg. Onyń aldynda 2017 jylǵy 1 sáýirdegi tarıftik kórsetkishter sáıkesinshe 6709 Gkal/tg, 4913 Gkal/tg bolatyn.
