Almaty ákimdigi júrgizýshilerge eskertý jasady
ALMATY. QazAqparat - Almaty bıligi júrgizýshilerge kóktaıǵaqta abaı bolý qajettigin eskertti, dep habarlaıdy QazAqparat tilshisi.
«Qazgıdromet» RMK boljamyna sáıkes, aqpannyń 14-15-ne qaraǵan túni jańbyr jaýyp, arty qarǵa aınalady. Tańǵa jýyq aýa temperatýrasynyń tómendeýine baılanysty kóktaıǵaq bolýy múmkin.
Almaty ákimdigi avtokólik júrgizýshilerine jeke kólikterin paıdalanýdan bas tartyp, qoǵamdyq kólikpen júrýge keńes berdi.
«Adamdar jaıaý júrginshiler jolymen júrý kezinde saq bolýdy, kóp qabatty úılerdiń shatyrynan qar, muz qulaýy múmkin bolǵandyqtan, jaıaý júrginshilerdi bıik úılerge jaqyn júrmeýlerin suraımyz»,-delingen habarlamada.
Sondaı-aq, avtokólikterdiń kedergisiz qozǵalýyn qamtamasyz etý maqsatynda kúndizgi ýaqytta jáne 15 - 16 aqpanǵa qaraǵan túni joldar qardan tazalanady.
Osyǵan baılanysty Almaty ákimdigi júrgizýshilerden túnde kólikterin jol jıekterine qoımaýdy surady.
