Almaty ákimdigi joldyń ortasynda paıda bolǵan shuńqyrǵa qatysty túsinik berdi
ALMATY. QazAqparat - Almaty qalasynyń ákimdigi jol tóseminiń isten shyǵýyna baılanysty merdiger uıymnyń ústinen shaǵym túsirdi, dep habarlaıdy QazAqparat tilshisi.
Almaty qalasy ákimdigi málim etkendeı, búgin Túrksib aýdanyndaǵy Tolmachev kóshesinde asfalt oıylyp tústi. Mamandar apat bolǵan jerge baryp, arnaıy teksergen kezde oqıǵanyń jaýyn -shashynnyń saldarynan jınalǵan sýdyń topyraqty shaıyp ketýinen bolǵandyǵyn anyqtady. Qubyr isten shyqqan joq. Sondyqtan sý berý shtattyq rejımde júzege asyrylyp jatyr.
«Jol tóseminiń isten shyǵýyna baılanysty ákimdik merdiger uıymnyń ústinen shaǵym túsirdi. Atalǵan ýchaskede 2021 jyly «Alvıs» JShS kompanııasy sý qubyry jáne káriz jelilerin salý jumystaryn aıaqtaǵan bolatyn. Kepildik mindettemeleri aıasynda kompanııa aqaýlardy, joıýǵa tıis»,- dep habarlady ákimdikten.
Búgin kompanııa oryn alǵan olqylyqtardy joıdy. Joldy qalpyna keltirdi. Bıyl sáýir aıynda aýa raıy qolaıly bolǵan kezde asfaltty tósemdi tolyq jóndeý josparda.
Buǵan deıin Túrksib aýdanynda asfalt opyrylyp, Kamaz shuńqyrǵa túsip ketkeni týraly jazǵan edik.
Onyń vıdeosy áleýmettik jelide tarady.
