Almaty ákimdigi jol shetine kólik qoımaý qajettigin eskertti
ALMATY. QazAqparat - Almaty ákimdigi qalada qalyń qar jaýyp jatqanyna baılanysty jol shetine kólik qoımaýdy eskertti, dep habarlaıdy QazAqparat tilshisi.
Sınoptıkterdiń boljaýynsha, qalyń qar 11-16 aralyǵynda ishinara jaýýy yqtımal.
Osyǵan baılanysta Almaty ákimdigi avtokólik ıelerin qar tazalaý jumystaryn júrgizýge túsinikpen qaraýdy jáne ásirese túngi ýaqyttarda jol jıegine kólik qoımaýdy surady.
Qar tazalaý jumystaryn júrgizýge kedergi jasaǵan avtokólikter evakýatormen tıelip ketedi.
Sondaı-aq, ákimdik apatty jaǵdaılardyń oryn alý qaýpi joǵary bolǵandyqtan, avtokólik júrgizýshilerine jeke kólikterin paıdalanýdan bas tartyp, qoǵamdyq kólikpen júrýge keńes berdi.
