Almaty ákimdigi jol aıyryqtaryn aıaqtaýǵa Úkimetten qosymsha qarjy suramaq
ALMATY. QazAqparat - Almatyda jol aıyryqtarynyń qurylysyn aıaqtaý úshin qosymsha 5 mlrd teńge qajet. Bul týraly búgin baspasóz máslıhaty barysynda qalalyq Jolaýshylar kóligi jáne avtomobıl joldary basqarmasynyń basshysy Maqsut Isahov málim etti.
Onyń aıtýynsha, burynǵy bıýdjettik baǵdarlaý oıynsha Rysqulov-Emtsov, Seıfýllın-Jansúgirov, Rysqulov-Qulja tasjoly jolaıyryqtary qurylysyn aıaqtaýǵa 7 mlrd teńge qarastyrylǵan.
«Bıyl respýblıkalyq bıýdjetke qosymsha taǵy 5 mlrd teńge bólý týraly ótinim jetkizemiz. Respýblıkalyq bıýdjet naýryzda qarastyrylady. Qarjy der kezinde bólinse, Nazarbaev dańǵylyn Jansúgirov kóshesimen qosatyn bolamyz», - dedi Maqsut Isahov.
Aıta ketý kerek, munyń aldynda Jetisý aýdanynyń ákimi Muhtar Tájibaev halyqpen kezdesýinde Jansúgirov-Seıfýllın jol aıyryǵy 2019 jyly paıdalanýǵa beriletinin aıtqan bolatyn.
Atalǵan jobanyń qurylysy 2015 jyly bastalýy tıis edi. Alaıda qala bıligi qarjynyń jetispeýshiligi sebebinen bul jobany 2 jylǵa keıin shegerip qoıdy.
