Almaty ákimdigi jol apatyna ákep soqqan synyq lıýkterge qatysty túsinikteme berdi
Bostandyq aýdany ákimdiginiń habarlaýynsha, Ál-Farabı dańǵylynda kólikterdiń úlken jyldamdyqpen júrýine baılanysty apat bolǵan jerdegi lıýk synǵan.
Jol boıynda, beket keshenderine jańbyr ótkizetin lıýktterdi ornalastyrý men olardyń ahýalyn qadaǵalaýǵa «Almaty Tazalyq» MQK merdiger uıymy mindetti. Atalǵan uıym byltyr osy qyzmetti atqarýǵa memlekettik satyp alýda tenderdi utyp alǵan.
«Sońǵy ýaqytta jol boıyndaǵy qaraý bloktaryndaǵy shoıyn qaqpaqtardyń joǵalǵany sebebinen jaýyn sýyn ótkizýge arnalǵan lıýkter de joǵalyp ketken. 2017 jyldyń naýryzynan maýsymyna deıin 64 lıýktiń joǵalǵany belgili boldy.
Osy keleńsiz jaıtqa baılanysty «Almaty Tazalyq» MQK bıylǵy jyldyń 26 mamyrynda Bostandyq aýdanynyń ishki ister basqarmasyna aryz túsirgen edi», - dedi baspasóz qyzmetinen.
Olardyń aıtýynsha, belgili ýchaskelerge jaýapty mamandar eki kúnde bir ózderine bekitilgen aýmaqtarǵa tekserý júrgizedi. Jańbyr sýlaryn qabyldaıtyn lıýkter joq jerge birden belgi qoıylyp, basqasymen aýystyrylady.
Aıta ketý kerek, osydan 2 kún buryn Ál-Farabı dańǵylynda jol apaty bolǵan edi. Honda kóligin tizgindegen eki qyz jol ústindegi synǵan lıýkke kirip ketip, kólikteriniń dóńgelegi jarylǵan bolatyn. Saldarynan joǵary jyldamdyqty trassada avtobýs pen jeńil kólik soqtyǵysyp, sońǵysy qyzdardy qaǵyp ketken bolatyn. Saldarynan Ekaterına Parafıeva eki aıaǵynan aırylyp qaldy.
Qazirgi kezde Almaty qalasynyń Іshki Іster Departamenti jol - kólik oqıǵasyna qatysty sotqa deıingi tekserý sharalaryn júrgizýde, barlyq saraptamalar jasalýda. Osy tekserý jumystarynyń qorytyndysy boıynsha oqıǵaǵa kináliler anyqtalyp, naqtyly protsessýaldy sheshim qabyldanady.
