Almaty ákimdigi «Jer ýaqyty» aktsııasy kezinde jaryqty sóndirmegen
ASTANA. QazAqparat - Áleýmettik jeli qoldanýshylary Almaty ákimdiginiń «Jer ýaqyty» atty jahandyq aktsııa kezinde jaryqty sóndirmegendigin aıtty, dep habarlaıdy QazAqparat.
Aıta keteıik, bul Búkilálemdik jabaıy tabıǵat qorynyń qoldaýymen ótkiziletin jahandaǵy eń aýqymdy ekologııalyq aktsııa. Oǵan álem boıynsha 2 mlrd-tan astam adam - 175 memleketten 7 myń qalanyń turǵyny qatysady. Sharanyń maqsaty - Jerdiń túkpir-túkpirindegi adamdar belgili bir ýaqyt aralyǵynda jaryq pen elektr qurylǵylaryn sóndiredi.
Áleýmettik jeli qoldanýshylarynyń aıtýynsha, Almaty ákimdigi bul aktsııaǵa qatyspaǵan.
«Jaryq jarqyrap janyp tur. Kóktóbede de jaryq óshken joq»,-dedi arnaıy taratylym barysynda feısbýk qoldanýshysy Abaı Erekenov.
Ol sózinde aktsııanyń jap-jaqsy jarnamasy jasalǵandyǵyn aıtady. «Alaıda ol iske asyrylmady, bálkim qarjy jetispegen shyǵar»,-dep qaljyńdady Almaty turǵyny.
Al, Astanada aktsııaǵa salmaqty kózqaras tanytylyp, qalanyń 100 nysanynda jaryq sóndirildi. Olar: Aqorda, «Astana Opera» Ulttyq opera jáne balet teatry, «Astana Báıterek monýmenti», «Máńgilik el» trıýmfaldy arkasy, Táýelsizdik saraıy, «Hazret Sultan» meshiti men «Astana Arena» stadıony jáne basqalar.
