Almaty ákimdigi jekemenshik balabaqshalardaǵy azyq-túlik shyǵyndaryn sýbsıdııalaıdy

ALMATY. QazAqparat Almaty ákimdigi jekemenshik balabaqshalarda balalardy tamaqtandyrýǵa tóleıtin ata-analardyń shyǵyndaryn óteıtin boldy. Bul týraly onlaın brıfıng barysynda Almaty qalalyq bilim basqarmasynyń basshysy Lázzat Jylqybaeva málim etti, dep habarlaıdy QazAqparat tilshisi.

Almaty qalasynyń ákimi Baqytjan Saǵyntaevtyń bastamasymen balabaqshalardaǵy kezekti edáýir tómendetý maqsatynda jergilikti bıýdjetten memlekettik bilim berý tapsyrysy bar jeke balabaqshalardaǵy tárbıelenýshiniń jasyna qaramastan tamaqtanýǵa jumsalatyn shyǵyndardyń 100% - yn óteý josparda. Sýbsıdııa somasy 18 900 teńgeni quraıdy.

«Bul jumys jeke sektormen talqylandy. Qazirgi ýaqytta úkimettik emes uıymdar jáne jeke sektormen kelisim boıynsha ólshemder ázirlendi. Ótinimderdi qabyldaý aqpan aıynyń basynda bastalady. Qarajat ótinimderdiń túsýine baılanysty anyqtalady. Qansha oryn anyqtalsa, sonsha orynǵa qarjy bólinedi», - dedi L.Jylqybaeva.

Qazirgi ýaqytta 397 jekemenshik balabaqshada memlekettik bilim berý tapsyrysy ornalastyrylǵan. Bul bir balaǵa aıyna 28 myń teńge. Sonymen qatar, tamaqtaný úshin 18 900 teńge qosymsha sýbsıdııa tek qosymsha oryndar úshin beriletin bolady.