Almaty ákimdigi jekelegen úılerge jylý nelikten berilmegenin túsindirdi
ALMATY. QazAqparat – Almatyda birqatar turǵyn úı áli kúnge deıin jylý júıesine qosylmaǵan. Munyń sebebin qala ákimdigi túsindirdi, dep habarlaıdy QazAqparat tilshisi.
Almatyda jylý 15 qazanda berilgen bolatyn. Jylytý maýsymynyń bastalýy meteorologııalyq boljamdarmen jáne aýa raıyn kúndelikti baqylaýmen anyqtaldy. Birinshi kezekte aýrýhanalar, balabaqshalar, mektepter men basqa da áleýmettik nysandar qosyldy.
Keıin ortalyqtandyrylǵan jylý turǵyn úılerge de berile bastady.
«Nysandardy jylý júıesine qosý birneshe kúnge sozylady. Aıta ketý kerek, turǵyn úılerdi jylý júıesine qosý úshin PIK nemese úıge qyzmet kórsetetin basqarý kompanııalary jaýap beredi. 15 qazan kúni PIK turǵyn úı qorynyń negizgi bóligin jylýǵa jalǵady. Desek te, áli kúnge deıin keıbir úılerde jylý joq. Páter ıeleriniń kooperatıvteri bul problemany sheshpegen», - dep habarlady ákimdikten.
Turǵyndar jylytý júıesindegi qandaı da bir problemalarǵa qatysty 8 (727) 262 15 11 senim telefonyna habarlasa alady.
