Almaty ákimdigi jaýyndy kúni kók shóptiń nege sýarylyp jatqanyn túsindirdi
ALMATY. QazAqparat - Almatyda Balýan Sholaq atyndaǵy sport saraıynyń aldyndaǵy gazon sýarylyp jatyr. Qarly-jaýyndy kúnde bul qubylysty qala turǵyndary túsinbeı álek.
Bul sýretti Feısbýkke Reseı Federatsııasynyń Almatydaǵy bas konsýldyǵynda konsýl bolyp qyzmet atqaratyn Irına Pereverzeva jarııalady.
«Tek qana Reseıde ǵana emes aqylǵa syımaıtyndar munda da bar eken. Almatylyqtar, mynaý úshin kim jaýap beredi? Balýan Sholaq saraıy janyndaǵy gúlzardy jaýyndy kúnde sýaryp jatyr», - dep jazdy Pereverzeva.
Almaty ákimdigi jaýyndy kúni kók shóptiń nege sýǵarylyp jatqanyn QazAqparat tilshisine túsindirdi.
«Gúlzardyń sýarylyp jatqan sebebi, merdiger uıym júıeni qysqa jabý aldynda sýdy túgel aǵyzyp tastap jatyr. Qaldyq sýdyń barlyǵy qatyp qalmas úshin bosatylyp jatyr», - dedi ákimdikten.
