Almaty ákimdigi «ıÝjnyı» saıabaǵyndaǵy qurylysqa tyıym saldy
ALMATY. QazAqparat - Almaty ákimdigi «ıÝjnyı» saıabaǵyndaǵy turǵyn úı qurylysyna tyıym saldy. Atalǵan saıabaqta turǵyn úı kesheni salynatyn jer ýchaskesi memleketke qaıtarylatyn boldy, dep habarlaıdy Qazaqparat tilshisi.
Bul daýly másele kópshilik talqysyna túspeıtin boldy. Óıtkeni, «TURKUAZ GROUP OF COMPANIES» AQ qurylys salýdan óz erkimen bas tartyp, saıabaqtyń soltústik bóligindegi jer ýchaskesin memleketke qaıtarýǵa sheshim qabyldady.
«Jobany ashyq talqylaý kezinde kópshilik saıabaq aýmaǵynda turǵyn úı keshenin salý josparyn qoldamady. Sondyqtan kompanııa qalanyń basqa bóliginen dál osyndaı jer ýchaskesin alý úshin óziniń jerin memleket paıdasyna qaıtarýǵa daıyn», - dedi baspasóz qyzmetinen.
Kompanııa dırektory Zekı Pılge osyndaı mindetteme qabyldady.
Budan buryn Almaty ákimi Baýyrjan Baıbek «Nur Otan» partııasy qabyldaýynda qala turǵyny Nadejda Erolskaıa «ıÝjnyı» saıabaǵynda jeke kompanııanyń kóp qabatty turǵyn úı keshenin salýy múmkin ekeni týraly másele kótergen edi. Óz kezeginde qala basshysy «Nur Otan» partııasynyń alańyna qoǵamdyq tyńdaý ótkizýdi tapsyrǵan bolatyn.
Saıabaq Jarokov kóshesiniń shyǵysy men Hodjanov kóshesiniń soltústigine qaraı 14,2 ga jerdi alyp jatyr. Qazirgi kezde saıabaqta rekonstrýktsııa júrip jatyr. Onyń barysynda burynnan bar joldar, jaryq jáne sýarý júıeleri jańaryp, turaqty ájethanalar, ıt serýendetý alańdary paıda bolady.
