Almaty ákimdigi túsken qardy táýlik boıy tazalamaq
ALMATY. QazAqparat - Almaty aýdandyq ákimdikteri qar tazalaý boıynsha jumystardy táýlik boıy atqarmaq, dep habarlaıdy QazAqparat tilshisi.
Qalalyq ákimdiktiń baspasóz qyzmetinen habarlaǵandaı, búgin túsken qardan keıin jergilikti kommýnaldyq qyzmetter kóktaıǵaqqa qarsy qum men tuz qospalaryn seýip shyqqan. Sonymen qatar trotýarlar men joldar qardan tazartylǵan.
«Qar tazalaý jumystaryna 369 tehnıka, 839 jumysshy jumyldyryldy. Qarashanyń 19-ynan 20-syna qaraǵan túni 313 arnaıy tehnıka, 800 jumysshy jumyldyrylady. Búgin Almaty joldaryna 250 tonna kóktaıǵaqqa qarsy materıal tóseldi», - dedi ákimdiktiń baspasóz qyzmetinen.
Aıta ketý kerek, búgin Almatyda tańǵa jýyq jańbyrdyń arty qarǵa ulasty. Tańǵy 10:00-de taýly aýdandarda 3-4 sm qar tústi.
