Almaty ákimdigi turǵyndarǵa dezınfektsııadan keıin 5 saǵat úıden shyqpaýǵa keńes berdi

ALMATY. QazAqparat – Búgin 25 naýryzdan bastap Almaty ákimdigi qaladaǵy turǵyn úılerdiń podezderin dezınfektsııalaý jumystaryn bastady, dep habarlaıdy QazAqparat tilshisi.

«Qalalyq turǵyn úı saıasaty basqarmasy qala joldaryn kúnine 2 ret jýýdy josparlap otyr. Ol úshin 90 jýý tehnıkasy, 54 trotýar jınaý tehnıkasy, 962 jumysker jumyldyryldy. Taǵy 112 adam ýrnalar, oryndyqtar men aıaldamalardy zararsyzdandyrýmen aınalysady», - dep málim etti Almaty ákimdiginen.

Búgin 25 naýryzda tańǵy 9-dan 32 brıgada podezderdi jýýdy bastady.

Barlyǵy 2868 úıdiń 8633 podezi men 1441 aýlasyn zararsyzdandyrý josparda bar.

«Jumys bastamas buryn dybys zoraıtqysh arqyly jarııalanady. Óńdeýden soń ár podezge kezekti óńdeý grafıgi ilinedi. Búgin sonymen qatar, Esentaı, Úlken Almaty jáne Terenkýr ózenderiniń jaǵalaýy óńdeledi», - dedi basqarmadan.