Almaty ákimdigi turǵyndardy karantın rejımin buzǵan kásipkerler týraly habarlaýǵa úndedi
ALMATY. QazAqparat - Almatyda koronavırýstyq ınfektsııanyń aldyn alý maqsatynda engizilgen karantın talaptaryn buzǵan kásipkerler týraly habarlaý usynyldy, dep habarlaıdy QazAqparat tilshisi.
Karantın rejimine oraı kásipkerlik nysandary jańa jumys rejımine kóshken edi. Al azyq-túlik emes saýda bazarlarynyń, iri saýda jáne oıyn-saýyq ortalyqtarynyń, iri saýda úıleri men saýda ortalyqtarynyń jumysy toqtatyldy.
21 naýryzdan bastap qyzmet kórsetý salasyndaǵy nysandar jabyldy. Atap aıtqanda, kosmetologııa bólmeleri men ortalyqtary, sulýlyq salondary, SPA salondar, akvaparkter, qoǵamdyq monshalar, basseınder, solıarıı, massaj ortalyqtary, fıtnes jáne ıoga zaldary jabyq bolady.
Almaty ákimdigi tarapynan joǵaryda engizilgen shekteý sharalarynyń oryndalýyna baqylaý jasalatyn boldy.
Qala bıligi atalǵan kásipkerlik sýbektileriniń zańsyz qyzmet etip jatqan faktileri anyqtalǵan jaǵdaıda myna telefondarǵa habarlasýdy suraıdy:
– 8 775 882 55 39;
– 8 775 882 55 46;
– 8 775 882 55 02;
– 8 775 882 55 49;
–8 775 882 55 72;
– 8 775 882 55 08;
–8 775 882 55 16;
– 8 775 882 55 12;
–8 775 882 55 00;
– 8 775 882 55 92.
Barlyq ótinishter boıynsha tıisti jumystar júrgiziletin bolady. Karantın buzylǵan jaǵdaıda, Qazaqstan Respýblıkasynyń zańnamasynda kózdelgen jaýapkershilik belgilenedi.
