Almaty ákimdigi turǵyndardan qar tazalaý jumystaryna kedergi keltirmeýdi surady
ALMATY. QazAqparat - Almatyda qala ákimdigi qar tazalaý jumystaryna baılanysty júrgizýshilerden jol jıekterine kólik qaldyrmaýdy surady, dep habarlaıdy «QazAqparat» tilshisi qalalyq ákimdiktiń baspasóz qyzmetine silteme jasap.
«Qazgıdromet boljamy boıynsha 23 qańtardan 24 qańtarǵa qaraǵan túni qar aralas jańbyr jaýýy múmkin. Túngi jáne tańǵy ýaqyttarda joldarda qar tazalaý tehnıkasy jumys júrgizedi. Osyǵan baılanysty jol qozǵalysynda qıyndyqtar týyndaýy múmkin. Qala turǵyndarynan kommýnaldy qyzmet jumysyna túsinistikpen qarap, jol jıekterinde jeke kólikterin qaldyrmaýdy suraımyz», delingen ákimdiktiń habarlmasynda.
