Almaty ákimdigi turǵyn úılerdiń birine salynǵan qar barysy mýralynyń nege aýystyrylǵanyn túsindirdi

ALMATY. QazAqparat – Almaty ákimdigi Abylaı han dańǵyly, 59/61 úıindegi mýraldy aýystyrýǵa qatysty túsinik berdi, dep habarlaıdy QazAqparat tilshisi.

Ákimdiktiń málimetinshe, Abylaı han dańǵyly, 59/61 mekenjaıyndaǵy turǵyn úıdiń qasbetindegi qar barysy mýralyn jarnamalyq mýralǵa aýystyrý týraly «Orman» turǵyn úı páter ıeleri kooperatıvi bastamashylyq etken. Sondaı-aq «Orman» TPIK úıdiń turǵyndarynan kelisim alǵan («Orman» TPIK aqparaty boıynsha).

«5 mamyr kúni qalalyq josparlaý jáne ýrbanıstıka basqarmasy 70 sharshy metrlik jarnamalyq mýraldy ornalastyrý týraly habarlamany tirkedi. Tapsyrys berýshi kompanııa bul jarnamany zańdastyrý úshin basqarmaǵa barlyq qajetti qujatty usyndy. Habarlamany tirkeýden bas tartýǵa negiz bolǵan joq, sebebi eskız QR jarnama salasyndaǵy zańnamanyń talaptaryna tolyq saı boldy»,- dep habarlady Almaty ákimdigi.

Aıta keteıik, turǵyn úıge jarnamalyq sýret salýǵa turǵyn úı ıeleri ruqsat berýleri qajet.