Almaty ákimdigi talapty oryndamaǵan tasymaldaýshylarmen kelisimshartty buzdy
ALMATY. QazAqparat - Almaty ákimdigi qysqa daıyndyǵy nashar tasymaldaýshylarmen kesilimshartty buzýǵa kiristi.
Qalalyq Jolaýshylar kóligi jáne avtomobıl joldary basqarmasynan habarlaǵandaı, kóbinese turaqtylyq kestesin buzǵan, qysqa daıyndyǵy kóńil kónshitpeıtin tasymaldaýshylarǵa aıyppul salynyp, baǵdarlary basqa kompanııalarǵa berildi.
«Qala ákimdigi olarǵa jetkilikti dárejede demeýqarjy berip otyr. Soǵan qaramastan keı kompanııalar marshrýttarǵa qyzmet kórsetý kelisimshartyn buzyp otyr. Endigi kezekte tasymaldaýshylarǵa bólinetin demeýqarjynyń kólemi qaıta qaralýda. Olardyń keıbirimen kelisimshart buzylady. Máselen «Green bus» kompanııasyna tıesili №37, №79 marshrýttar basqa tasymaldaýshylarǵa berildi», - dedi basqarmanyń baspasóz qyzmetinen.
Osyǵan baılanysty basqarma basshysynyń orynbasaryna qatań sógis jarııalandy.
Aıta keterligi, jyl aıaǵyna deıin Almatyda qoǵamdyq kóliktiń úlesi 87 paıyzǵa jetetin bolady. Ótken aptada qalaǵa taǵy 200 jańa avtobýs kelgen bolatyn. Onyń ishinde BRT jelisine 18 metrlik avtobýstar shyqty.
