Almaty ákimdigi talanttardy izdeıdi...
ASTANA. QazAqparat - Ońtústik astana týraly «Almatym - júregimde» atty jyl saıynǵy án baıqaýyna ótinimder qabyldaý bastaldy, dep habarlaıdy qalalyq Mádenıet basqarmasy.
7-shi án baıqaýy 5 qyrkúıekte Mádenıet jáne demalys saıabaǵynda ornalasqan «Shabyt» jazdyq teatrynyń sahnasynda ótedi. Ótinimderdi barlyq nıet bildirgender bere alady (18-den 30-ǵa deıingiler), bular baıqaýdyń eń basty maqsatynan habardar bolýy tıis: ol - shahardyń zamanaýı kelbetiniń belgisi bola alatyn qala týraly jańa ándi ómirge keltirý. Kompozıtsııanyń áýeni men sózi júrekti baýrap, qalalyqtardyń aýzynan túspeıtin tamasha án bolýy tıis. Árıne, shyǵarma óziniń mazmunymen de adamdy tánti qylýy kerek. Іs-shara Qala kúni merekesiniń aıasynda ótetindigin de atap ótken jón. Báıgege qomaqty júlde - avtokólik tigilip otyr.
Qatysýshylardyń shyǵarmashylyǵyn mádenıet qaıratkerlerinen quralǵan qazylar alqasy baǵalamaq. Byltyrǵy jyly onyń quramynda: Baqyt Shadaeva, Baıan Esentaeva, Arman Dúısenov, Alýa Qonarova, Álisher Kárimov boldy, al tóraǵalyqty halyq ártisi Nurlan Abdýllın atqarǵan edi.
Ótken jyldyń jeńimpazdarynyń arasynda: Aıqyn Tólepbergen «Gúldegen Almaty», Rústem Nurjigit «Almatym dep án salam», «Aıala» ánderimen, jáne «Stars KZ» toby «Alma-Ata», Kúmis Bazarbaeva «Almaty» ánderimen kózge túsken. 2014 jylǵy gran-prı júldesin shymkenttik «Arman» dýeti «Almatym» ánimen jeńip aldy. Turan Rahımberlın birinshi orynǵa, «Gaýhartas» kvarteti ekinshi orynǵa, Roza Muqataeva úshinshi orynǵa ıe boldy.
Tapsyrystardy qabyldaý týraly Almaty qalasynyń Mádenıet basqarmasyna habarlasýǵa bolady, tel. 272-22-08 .
Áleýmettik jelilerdegi baıqaý: https://vk.com/almatymjuregimde
https://www.facebook.com/groups/AlmatymJuregimde/?fref=ts
