Almaty ákimdigi: Sporttyq sektsııalar men mektepter jabylmaıdy
ALMATY. QazAqparat - Almaty qalasy dene shynyqtyrý jáne sport basqarmasynyń basshylyǵy megapolıstegi sporttyq sektsııalar men mektepterdiń jabylýy týraly jaǵdaı boıynsha túsinikteme berý úshin ata-ana komıtetimen kezdesti, dep habarlaıdy QazAqparat.
Áńgime barysynda bapkerlerdiń eńbekaqysynyń qysqarmaıtyny jáne sport mektepteriniń jabylmaıtyny belgili boldy.
«Biz 2017-2019 jyldarǵa arnalǵan bıýdjetti qarastyrý jóninde májilis ótkizip, onyń hattamasyn jasadyq. Qaladaǵy fýtbol bólimderiniń naqty jabylýy týraly sóz bolǵan joq. Mektep dırektorlaryna ınvestorlar máselesin qarastyrý jáne qarjylandyrý josparyna óz usynystaryn berý týraly tapsyrma berildi. Bul mektepterde memlekettik tapsyrysty alyp tastaý týraly másele tipti kóterilgen joq. Kelesi jyly bıýdjetti qysqartý da bolmaıdy», - dedi áńgime barysynda Almaty qalasy dene shynyqtyrý jáne sport basqarmasynyń basshysy Ábil Donbaev.
Basqarma zańgeriniń aıtýynsha, túsinispeýshilik keıbir mektep mamandarynyń jumys hattamasyn durys túsindirmeýinen týyndaǵan.
