Almaty ákimdigi sheteldikterden alynatyn 5% týrıstik jarnany túsindirdi

ALMATY. QazAqparat - Óńirlik kommýnıkatsııalar qyzmetinde ótken brıfıngte Almaty qalasy ákiminiń orynbasary Álisher Ábdiqadyrov 2023 jyldyń qańtarynan bastap sheteldikterden alynatyn týrıstik jarnanyń nelikten 5 paıyz bolǵanyn túsindirdi, dep habarlaıdy QazAqparat tilshisi.

«Bed Tax dep atalatyn týrıstik jarna, 2021 jyly zańǵa engizilgen. Sodan keıin Úkimet erejelerdi bekitti, oǵan sáıkes esepteý ádistemesi boıynsha týrıster aǵynynyń 20%-ǵa ulǵaıýyna baılanysty Bed Tax jarnasy 5% deńgeıinde engiziledi. ıAǵnı, biz qazir ádistemege sáıkes osyndaı sheshim qabyldadyq. Bul alym álemdik tájirıbege sáıkes týrızmdi odan ári damytýǵa baǵyttalǵandyqtan, kelesi jyldan bastap tıisti zań kúshine enedi dep senemiz. Bul - tek sheteldik týrısterden túsetin qosymsha qarajat bolmaq. Ony bizdiń azamattar tólemeıdi», - dep jaýap berdi ol.

Aıtýynsha, Almatyda sheteldik týrıster sany 2,8 ese, ishki týrıster sany 1,4 ese ósti.

«Jarna da ózgerýi múmkin. Sheteldik týrıster aǵyny azaısa, sáıkesinshe onyń quny da tómendeıdi», - dep qosty spıker.

Buǵan deıin 2023 jyldan bastap Almatyǵa kelgen sheteldikterden týrıstik jarna alynatyny týraly aıtqan bolatynbyz.