Almaty ákimdigi: Seıfýllın kópirindegi granıt plıtalar tazartý úshin alynady, bútinderi ornyna qoıylady
Qala ákimdiginiń málimetinshe, áleýmettik jelilerde taraǵan tutas granıtti tastardyń joıylǵandyǵy týraly aqparat shyndyqqa janaspaıdy. Tek apattyq qaptaý fragmentteri ózgeredi, al 1980 jyldardan beri saqtalǵan sapaly granıt jabyny ornynda qalady.
Seıfýllın dańǵylynyń Úlken Almaty kanalymen (ÚAK) qıylysyndaǵy kópir ótken ǵasyrdyń 80-jyldarynda salynǵan. Sodan beri bul kópir qurylysy boıynsha jóndeý jumystary júrgizilgen joq. Ár jyldary aǵymdaǵy jóndeý aıasynda synǵan, tozǵan plıtalardy ishinara, bólshektep qalpyna keltirý jumystary júrgizildi.
Kópirdiń qaptamasynda materıaldyń eki túri qoldanylatynyn atap ótken jón: oń jaǵynda – granıtti tastar, sol jaǵynda – Seıfýllın dańǵylynyń júrý bóliginde – qalyńdyǵy 20 mm kesilgen granıt plıtalary.
Beti jyltyr, jaqsy saqtalǵan bútin granıtti tastar aýystyrylmaıdy: olardy tazalaý jáne tegisteý úshin alyp tastaıdy, sodan keıin olar osy ýchaskede qaıta paıdalanýǵa jáne ornatýǵa jatady.
«Baspaldaq jıekterinde plıtalarynyń ydyraýyna qatysty aqaýlar anyqtalǵany, tirek qabyrǵalarynda jáne qurylymnyń ózinde granıt plıtalarynyń qabyrshaqtanýy baıqalǵany atap ótildi. Munyń bári jaıaý júrginshilerdiń qaýipsizdigine qaýip tóndirdi. Jóndeý jumystary aıasynda bul plıtalar da tazartylyp, bastapqy qalpyna keltiriledi.
Seıfýllın dańǵylynyń qozǵalys bóliginiń qaptaý úshin qoldanylatyn qalyńdyǵy 20 mm kesilgen jalpaq granıt plıtalaryna keletin bolsaq: búgingi kúni olarda aqaýlar men úgindiler bar. Bul plıtalar uqsas plıtalarǵa aýystyrylady. Bólshektelgen jáne aýystyrylǵan plıtalardyń jalpy sany 25%-dan aspaıdy»,- dep habarlady ákimdikten.
Ornatylatyn granıt plıtalarynda memlekettik tehnıkalyq retteý júıesiniń derekter tiziliminde tirkelgen sáıkestik sertıfıkaty bar.
«Jumystardy bıyl shilde aıynyń sońyna deıin aıaqtaý josparlanýda. Kópirdi jóndeý jaıaý júrginshilerdiń qaýipsizdigin qamtamasyz etý maqsatynda Túrksib aýdany turǵyndarynyń jeke ótinishteri boıynsha júrgiziledi. Sonymen qatar, 10 shilde kúni Almaty qalalyq mobıldilik basqarmasy ÚAK arqyly Seıfýllın kópirin jóndeýge arnalǵan BAQ ókilderi úshin arnaıy baspasóz týryn ótkizedi»,- delingen habarlamada.
