Almaty ákimdigi «Saıahat» mańyndaǵy keptelisti azaıtý úshin ne istedi
ALMATY. QazAqparat - Almaty ákimdigi nelikten birqatar avtobýs marshrýttaryn jaýyp, keıbirin ózgertkenin túsindirdi, dep habarlaıdy QazAqparat tilshisi.
Qalalyq jolaýshylar kóligi jáne avtomobıl joldary basqarmasy «Saıahat» avtovokzaly mańynda turatyn turǵyndardan túsken kóptegen aryz-shaǵymdy eskerip, birqatar sharalardy qolǵa aldy.
Endi «Saıahat» mańynda jol qozǵalysyn jeńildetýge barynsha jaǵdaı jasalmaq.
Abaı aýyly men «Saıahatqa» qatynaıtyn №49 marshrýt jabyldy. Sebebi, bul marshrýt №4, 7, 11, 23, 50, 54, 78, 141 baǵyttardy qaıtalaıdy.
Osyǵan baılanysty, onyń ornyna №11 avtobýs Abaı aýylyna baratyn boldy. Endi №11 baǵyttyń burynǵy sońǵy aıaldamasy «Asyl Arman» turǵyn úı keshenine №16 avtobýs qatynaıdy.
№ 8 marshrýt qozǵalysyna ózgeris engizildi. Endi atalǵan baǵyt «Jas Qanat» shaǵyn aýdany - Hmelnıtskıı kóshesi - Şemıakın - Rysqulov - Jangeldın - Maqataev - Raıymbek baǵytynda júredi.
Sonymen qatar, taǵy bir baǵdar uzartyldy. Endi 73-avtobýs Baltabaev kóshesinen Almaty-1 vokzalyna deıin barady.
Ol óz jolynda Almaty-1 vokzaly - R.Zorge - Aqan Seri - Seıfýllın dańǵyly - Jansúgirov - Tobaıaqov - Seıfýllın - Raıymbek dańǵyly - Qonaev - Maqataev - Jetisý - Raıymbek dańǵyly - Dobrolıýbov - Orenbýrgskaıa - Shyǵys aınalma joly - Baltabaev - Bazarbaev kóshelerimen júretin boldy.
