Almaty ákimdigi Rysqulov dańǵylyn qala shekarasyna deıin uzartý jobasynyń kartasyn jarııalady
ALMATY. QazAqparat - Almaty ákimdigi T. Rysqulov dańǵylyn qala shekarasyna deıin uzatý shemasyn kórsetti, dep habarlaıdy QazAqparat tilshisi.
Almaty qalalyq mobıldilik basqarmasynyń málimetinshe,T. Rysqulov dańǵylyn F.Ońǵarsynova kóshesinen qala shekarasyna deıin uzartý jobasy memlekettik saraptamadan ótti. Onyń jalpy uzyndyǵy - 2,3 shaqyrym.
Sondaı-aq, osy joba boıynsha respýblıkalyq bıýdjetten 100 mln teńge qarajat bólýge ótinim berildi. Biraq ótinish áli maquldanǵan joq.
«Qazirgi ýaqytta jerge ornalastyrý jobasy jer qatynastary basqarmasymen birge daıyndalýda. Qurylys-montaj jumystary jer ýchaskelerin satyp alǵanan keıin bastalady», - dep habarlady basqarmadan.
Buǵan deıin Alataý aýdanynyń turǵyndary qala ákimimen kezdesýde T. Rysqulov dańǵylyn F.Ońǵarsynova kóshesinen Úlken Almaty aınalma avtomobıl jolyna deıin uzartý jobasyn qaıta qaraýyn suraǵan edi.
Foto: Almaty qalasynyń ákimdigi
