Almaty ákimdigi podezder men aýlalardy dezınfektsııalaý jumysyn kúsheıtti
Buǵan deıin bul jumysty PIK pen basqarýshy kompanııalar atqaryp kelse, endi 25 naýryzdan bastap turǵyndardyń ótinishine oraı karantın rejiminde bul jumystardy ákimdik óz moınyna aldy.
Tótenshe jaǵdaı boıynsha qurylǵan jedel shtab osyndaı sheshim qabyldady. Endi qaladaǵy 4 myńnan astam aýla men 24 myń podezge sanıtarlyq tazalaý jumysy júrgiziledi. Dezınfektsııa jumysyn arnaıy kompanııa aptasyna eki ret bekitilgen kestege sáıkes atqarady.
Osy oraıda aıta ketý kerek, bir kún ishinde qalany túgel qamtý múmkin bolmaıtyndyqtan, qala aýmaǵy úsh bólikke bólingen.
«Podezderdegi tutqalardy, kirberisterdi jýyp tazalaý PIK tarapynan jasalady. Kez kelgen suraq boıynsha Open Almaty 1308 nómirine habarlasýǵa bolady. Barlyq resmı aqparatty Almaty qalasy ákimdiginiń resmı saıtynan jáne áleýmettik paraqshasynan da oqı alasyz. Qosymsha aqparattar Stopcov Almaty Telegram-kanalyna jáne Darmen qosymshasyna jedel jarııalanyp otyrady», - dedi ákimdikten.
