Almaty ákimdigi Panfılov kóshesindegi jańa brýschatkalardyń nege aýystyrylyp jatqanyn túsindirdi

ALMATY. QazAqparat - Qala ákimdigi turǵyndardyń jaılylyǵy men qaýipsizdigin qamtamasyz etý maqsatynda jáne jol ınfraqurylymyn jaqsartý baǵdarlamasy aıasynda Panfılov kóshesinde tas tósemderdi jóndeý jumystary bastalǵanyn aıtty, dep habarlaıdy QazAqparat tilshisi.

Almaly aýdany ákimdiginiń málimetinshe, atalǵan aýmaqtaǵy tas tósemder 2017 jyldan beri jóndeý kórmegen.
«Panfılov kóshesi boıynsha júris bóliginde tek avtomobılder úshin tósenishter jóndelýde. Kóptegen ýchaskelerde tósenishter búlingen, 2017 jyldan beri jóndeý jumystary júrgizilmegen. Qabanbaı batyrdan Bógenbaı batyrǵa deıingi jol bóligi aýystyrylady, qalǵan bóliginde Bógenbaı batyrdan Arbatqa deıin shuńqyrdy jóndeý júrgiziledi»,- dep atap ótti aýdandyq ákimdikten.
Ákimdik ókilderi, búlinbegen tas tósemder Panfılov kóshesiniń basqa ýchaskelerinde qoldanylatynyn jetkizdi.