Almaty ákimdigi «ólgen ıtterge» qatysty túsinikteme berdi
ALMATY. QazAqparat – Almaty polıtsııasy kóshede ólip qalǵan ıtterge qatysty pikir bildirdi, dep habarlaıdy QazAqparat tilshisi.
Vıdeo facebook jelisinde jarııalandy
Vıdeoda Pýshkın kóshesinde 5-6 ıttiń jatqany jáne olardyń aýyryp jatqanyn bolmasa ólip qalǵan bolýy múmkin ekeni aıtylady.
Bul vıdeoǵa qatysty qalalyq Kásipkerlik pen ınvestıtsııalyq damý basqarmasynyń ókilderi túsinik berdi.
«Áleýmettik jelidegi aqparatqa sáıkes qalalyq Veterınarlyq qyzmet ókilderi men basqarmanyń veterınarlyq dárigeri jedel túrde oqıǵa ornyna bardy. Olar kelgende janýarlar oqıǵa ornynda bolmaǵan. Al kósheniń boıynda sý quıylǵan plastık konteınerler men tamaq salynǵan ydystar tabyldy. Jergilikti turǵyndardyń aıtýynsha, adamdar qańǵyp júrgen ıtterge tamaq bergen-mis. Jaǵdaı taǵy da baqylanyp jatyr», - dedi basqarmadan.
Aıta ketý kerek, munyń aldynda oqyrmandar ortalyq saıabaqta zararsyzdandyrý jumystarynan soń kepterler qyrylyp jatqanyn aıtyp shaǵymdanǵan edi.
Al odan keıin ákimdik zararsyzdandyrý quraldarynyń qaýipsiz ekendigin alǵa tartqan bolatyn .
