Almaty ákimdigi qyzmetkerleriniń ustalǵany týraly aqparat - jalǵan

ALMATY. QazAqparat – Almaty qalasynyń qala qurylysyn baqylaý basqarmasy qyzmetkerleriniń ustalýy týraly aqparat shyndyqqa janaspaıdy. Bul týraly qala ákimdiginiń baspasóz qyzmeti málim etti, dep habarlaıdy QazAqparat tilshisi.

«Almaty qalasynyń qala qurylysyn baqylaý basqarmasy qyzmetkerleriniń ustalýy týraly áleýmettik jelilerde baıandalǵan aqparat shyndyqqa janaspaıdy»,- delingen ákimdiktiń resmı habarlamasynda.

Sonymen qatar, basqarma ókilderi jalǵan aqparat taratqany úshin qoldanystaǵy zańnamaǵa sáıkes jaýapkershilik qarastyrylǵanyn eske saldy.

Aıta keteıik, áleýmettik jelilerde jáne aqparat agenttikteriniń saıttarynda Almaty qala qurylysyn baqylaý basqarmasy qyzmetkerleriniń ustalǵany týraly aqparat taraǵan bolatyn.