Almaty ákimdigi kún sýyǵanda joldyń nege jýylǵanyn túsindirdi
ALMATY. QazAqparat – Almatyda kommýnaldyq qyzmet ókilderi kúz aıynda joldardy jýǵan. Vıdeo áleýmettik jelide tarap, kópshilik oǵan qatysty keıistik tanytty, dep habarlaıdy QazAqparat tilshisi.
Almaty qalasy Jetisý aýdanynyń kógaldandyrý jáne abattandyrý bólimi mamandarynyń aıtýynsha, joldy «Almaty tazalyq» kásipornynyń jumysshylary 1 qazanda keshki 21:00 shamasynda jýǵan.
«Jol jýý jumystary aýa temperatýrasy plıýs (jyly) bolyp turǵanda júrgizilgen. Seıfýllın dańǵylynyń Jansúgirov kóshesinen Rysqulov dańǵylyna deıingi aralyǵy osy maýsymda sońǵy ret jýyldy. Kásiporyn tazalaý jumystaryn keshki 22:00-ge deıin júrgizedi», - dedi bólimniń bas mamany Álisher Ábdiqadyrov.
