Almaty ákimdigi qoǵamdyq dárethana máselesin sheshýdi qolǵa aldy
ALMATY. QazAqparat - Almaty ákimdigi qaladaǵy qoǵamdyq dárethanalardyń jumysyn jaqsartý boıynsha qolǵa alynyp jatqan sharalar týraly aıtyp berdi, dep habarlaıdy QazAqparat tilshisi.
«Qoǵamdyq ájethanalarǵa keletin bolsaq, biz kásipkerlerge kóptegen usynystar men núkteler usyndyq. Alaıda, osy baǵyttaǵy sharalar óz nátıjesin bermeı otyr. Sondyqtan memlekettik kásiporyndar arqyly bul baǵdarlamany odan ári keńeıtip, damytýǵa tyrysamyz. Buryn qoǵamdyq dárethanalar jerasty ótkelderi men ǵımarattardyń birinshi qabattarynda bolatyn. Esterińizde bolsa, 90-jyldary alǵashqy bıznes osy qoǵamdyq dárethanalardan bastalǵan bolatyn», - dedi Almaty qalalyq Josparlaý jáne ýrbanıstıka basqarmasynyń basshysy Almashan Ahmedjanov ákimdikte ótken baspasóz máslıhatynda.
Ol qoǵamdyq dárethana núkteleri jaıaý júrginshilerge ǵana arnalǵan kóshelerde ornalasqanyn atap ótti.
«Eger ájethanalar jabyq tursa, onda soǵan jaýapty uıymmen baılanysý qajet. Sebebin anyqtaý kerek. Dárethana táýlik boıy ashyq turýy tıis», - dep qosty spıker.
