Almaty ákimdigi keıbir turǵyndarǵa 42500 teńge nege berilmegenin túsindirdi

ALMATY. QazAqparat – Almatyda qalalyq Ál-aýqat basqarmasynyń basshysy Rahat Shımasheva 275 turǵynǵa nege 42500 teńge kóleminde áleýmettik kómek berilmegenin túsindirdi, dep habarlaıdy QazAqparat tilshisi.

«Alǵashqy kúnderi ótinishter aǵyny kóp bolǵanda eskertý jasaldy. Kópshiligi formany durys toltyrmaǵan. Onyń ishinde derekter durys kórsetilmegen. Qalada tegi uqsas adamdar óte kóp. JSN, esep shot nómirin durys kórsetý qajet edi. Osyndaı durys toltyrylmaǵan 275 ótinish keri qaıtaryldy. Olar qatelerin jóndep qaıta tapsyrsa bolady», - dedi R.Shımasheva.

Onyń aıtýynsha, áleýmettik kómekke tapsyrǵan turǵyndarǵa 3 jumys kúniniń ishinde SMS arqyly jaýap keledi.