Almaty ákimdigi qaladaǵy eskızdik jobalardyń kartasyn jasap jatyr
Bul týraly búgin onlaın brıfıng barysynda Almaty qalasy qalalyq Josparlaý jáne ýrbanıstıka basqarmasynyń basshysy Almashan Ahmedjanov aıtty, dep habarlaıdy QazAqparat tilshisi.
Basqarma basshysynyń aıtýynsha, qaladaǵy barlyq eskızdik jobalar kópshilikke jarııa etiletin bolady.
«Búginde biz aqparattyq júıede reınjınırıng júrgizip jatyrmyz. Barlyq kórsetiletin memlekettik qyzmetterdi avtomattandyryp jatyrmyz.Bul derekterdiń barlyǵy elektrondyq formatta bolady. Qalada barlyq maquldanǵan eskıdik jobalar osy kratada ornalasatyn bolady. Bul kartadan qaı jerde qurylys júrip jatqany, qaı jerden ruqsat alǵany týraly málimet ornalasatyn bolady. Ony kez-kelgen adam kóre alatyn bolady», - dedi Almashan Ahmedjanov.
Aıta ketý kerek, 2021 jyly Almaty qalasynyń dızaın kod jobasy qabyldanatyn bolady.
Sonymen qatar ákimdik qalanyń ortalyǵynda 4 qabatty úıler sanyn 20 paıyzdan asyrmaýǵa bel býdy.