Almaty ákimdigi qala turǵyndaryn karantın talaptaryn saqtaýǵa shaqyrdy
ALMATY. QazAqparat – Almaty ákimdigi almatylyqtardy KVI-ge qarsy kúres sharalaryn kúsheıtýge shaqyrdy, dep habarlaıdy QazAqparat tilshisi.
Osy ýaqytqa deıin Almatyda koronavırýs ınfektsııasyn 19 980 adam juqtyryp alsa, ótken táýlikte megapolıs boıynsha 122 naýqastan PTR testileýdiń oń nátıjesi anyqtaldy. 2020 jylǵy jeltoqsan aıynyń birinshi onkúndigimen salystyrǵanda koronavırýstyq ınfektsııa boıynsha syrqattaný deńgeı 1,7 ese ósken
Almaty ákimdigi qala turǵyndary men qonaqtaryn karantın sharalary - áleýmettik qashyqtyqty saqtap, maska rejıminiń saqtalýyn kúsheıtýge, sondaı-aq múmkindiginshe jabyq úı-jaılarda uzaq ýaqyt bolýdan bas tartýǵa shaqyrady.
Almaty qalasy Sanıtarlyq-epıdemıologııalyq baqylaý departamentiniń málimeti boıynsha, aýrýdyń eń kóp taralýy 20-39 jas aralyǵynda – 35% jáne 40-59 jas aralyǵynda - 31% baıqalady. Bul jańa jyl aldyndaǵy jáne kelesi demalys kúnderi korporatıvtik keshterdi ótkizýmen jáne saýda nysandaryna barýmen baılanysty.
Qoǵamdyq oryndardyń ishinde (saýda, qoǵamdyq tamaqtaný nysandary) – 41%, otbasylardaǵy baılanys – 27% jáne qoǵamdyq kólik – 21% quraıdy.
Osyǵan baılanysty almatylyqtarǵa saqtyq sharalaryn qatań saqtaý, múmkindiginshe adamdar kóp jınalatyn oryndardan aýlaq bolý, betperdelerdi durys paıdalaný, jeke gıgıenany saqtaý sekildi eskertýler jasalady. Sondaı-aq zeınetkerlerdiń turǵyn úıden shyǵýyn shekteý qajet. Respıratorlyq ınfektsııalardyń belgileri paıda bolǵan jaǵdaıda jeke bólmede oqshaýlanyp, ýchaskelik dárigerdi úıge shaqyrý jáne koronavırýstyq ınfektsııa dıagnozy qoıylǵan kezde jaqyn adamdarynyń, týystary men kórshileriniń juqtyrýyn boldyrmaý úshin karantındik statsıonarǵa jatqyzýdan bas tartpaý kerek.
Aıta ketý kerek, ınfektsııanyń syrttan kelý jaǵdaılarynyń tirkelýi jalǵasýda. 06.10.2020 jylǵy kezeńnen beri koronavırýstyq ınfektsııanyń 77 jaǵdaıy tirkeldi. Ótken táýlikte Dýbaı – Almaty reısimen kelgen jolaýshylarda koronavırýs ınfektsııasynyń 2 jaǵdaıy anyqtaldy.
Sonymen birge, álemde COVID-19 jaǵdaıy ýshyǵa tústi. Elder aldyn alý sharalaryn kúsheıtýde. Mysaly, Nıderlandyda shekteýlerdi 9 aqpanǵa deıin uzartty. Italııanyń densaýlyq saqtaý mınıstri Roberto Sperantsa Parlamentke tótenshe jaǵdaıdy 30 sáýirge deıin uzartý týraly habarlady. Shveıtsarııa koronavırýspen kúresý úshin karantındi odan ári kúsheıtip, 22 qańtardyń ornyna ony qystyń sońyna deıin jalǵastyrdy.
