Almaty ákimdigi: Internetpen problemalar sheshilip jatyr
ALMATY. QazAqparat – Ata-analardyń ótinishi boıynsha, Almatyda 102 mektepte 250 kezekshi synyp ashyldy. Bul týraly onlaın brıfıng barysynda Bilim salasynda sapany qamtamasyz etý qalalyq departamentiniń basshysy Gúlnár Ermekbaeva aıtty, dep habarlaıdy QazAqparat tilshisi.
«Almaty qalasynyń bas sanıtarlyq dárigeri Jandarbek Bekshınniń ruqsatymen ata-analardyń ótinishi boıynsha 1-inshi jáne 2-synyp oqýshylary úshin kezekshi synyptar uıymdastyryldy, ár synypta 15 oqýshydan aspaıdy. Almaty qalalyq bilim basqarmasynyń málimetinshe, búginde 102 mektepte 250 kezekshi synyp ashyldy», - dep atap ótti spıker.
Onyń aıtýynsha, onlaın oqýda áli de problemalar bar.
«Qazir ınternetpen problemalar sheshilip jatyr. Sondaı-aq, ata-analar onlaın rejıminde oqytýdy uıymdastyrý jáne oqýǵa qajetti tehnıkalyq qural-jabdyqtar máselesi boıynsha qalalyq Bilim berý basqarmasy men Bilim sapasy departamentimen baılanysa alatyndyǵyn atap ótkim keledi», - dep túsindirdi Gúlnár Ermekbaeva.
