Almaty ákimdigi balalardyń jazǵy demalysyna 232,4 mln teńge qarajat jumsady
ALMATY. QazAqparat - Almaty ákimdigi bıyl jazǵy demalys kezeńinde balalardy saýyqtyrýǵa jáne jumyspen qamtýǵa jergilikti bıýdjetten 232,4 mln teńge bóldi, dep habarlaıdy QazAqparat tilshisi.
Bul týraly qalalyq Taýarlar men qyzmetter sapasy men qaýipsizdigin baqylaý departamentiniń basshysy Aızat Moldaqasymova Feısbýkte jazdy.
«2019 jyldyń 1-shi jazǵy saýyqtyrý maýsymynda Almaty boıynsha 192 mektep janyndaǵy lagerlerde 28449 oqýshy demaldy. ıAǵnı, josparlanǵan balalardyń tiziminen (32145) 88,5 %-y demalys ornymen qamtyldy. Bul 108 mektepte 9235 oqýshyǵa ystyq tamaq bólindi, 5 mektep janyndaǵy lagerde júzý basseınderi jumys istedi. Sonymen qatar qala syrtynda 2 jazǵy lager («ıÝnyı domostroıtel JShS», «Alma-Taý» «Samruk Company» JShS) ashylyp, onda 1285 bala saýyqtyryldy», - dedi Aızat Moldaqasymova.
Onyń aıtýynsha, osy maqsatta Almaty ákimdigi bıyl balalardyń jazǵy demalysyna jáne jumyspen qamtýǵa 232,4 mln teńge qarajat qarastyrǵan.
Departamenttiń aýdandyq bólimsheleri oqýshylardyń tamaqtanýynyń sapasy men qaýipsizdigi, medıtsınalyq qyzmet kórsetý jáne saýyqtyrý suraqtary boıynsha ózara yntymaqtastyq týraly Memorandýmǵa qol qoıdy.
Almaty qalasy Departamentiniń mamandary qala boıynsha epıdemıologııalyq jaǵdaımen tanystyryp, sanıtarııalyq-epıdemıologııalyq salaýattylyq sheńberinde normatıvtik-quqyqtyq aktiler talaptaryn túsindirdi.
