Almaty ákimdigi ArtSport boıynsha jetkizýshilerge 2,2 mlrd teńge qaryz

ALMATY. QazAqparat - Qala ákimdigi ArtSport baǵdarlamasy boıynsha maýsym men tamyz aıynyń sońyna deıin kórsetilgen qyzmetter úshin jetkizýshilerge 2,2 mlrd teńge kóleminde qaryz. Bul týraly sporttyq jáne shyǵarmashylyq tapsyrysty júzege asyrý boıynsha qoǵamdyq jumys tobynyń otyrysynda Almaty ákiminiń orynbasary Arman Qyryqbaev málim etti, dep habarlaıdy QazAqparat tilshisi.

Onyń aıtýynsha, jaqynda tólem máselesi sheshiledi. Bıýdjet komıssııasy ótinimdi maquldap, ony 30 qyrkúıekte ótetin máslıhat otyrysyna bekitýge jiberdi. «Tekserý komıssııasy men prokýratýranyń aldyn-ala derekterin basshylyqqa ala otyryp, bul 8,5 mlrd teńgeden 5 mlrd teńgege deıin tómendegenin kórsetedi. Kórsetilgen soma taǵy azaıýy múmkin.

Sondyqtan Almaty ákimdiginen aktseptelgen vaýcherler boıynsha barlyq mindetteme oryndalatynyn resmı túrde habarlaǵym keledi. ArtSport baǵdarlamasy boıynsha isin adal atqarǵan jetkizýshilerdiń aqshasy tólenedi «, – dedi Arman Qyryqbaev. Qazirgi tańda Almatyda artsport.edu.kz saıtynyń dereginshe, úıirmege 83 myń bala qatysady, onyń 35,5 myńy sportpen jáne 47,5 myńy shyǵarmashylyq aınalysady.

Buǵan deıin ArtSport baǵdarlamasy boıynsha bıýdjet qarajatyn jymqyrý faktisi anyqtalǵanyn jazǵan bolatynbyz.