Almaty ákimdigi: Adam óltirgen júrgizýshi - ákimdik qyzmetkeri emes
ALMATY. QazAqparat – Almaty ákimdigi adam óltirdi dep kúdikke ilingen júrgizýshige qatysty resmı málimdeme jasady, dep habarlaıdy QazAqparat tilshisi.
Qalalyq ákimdiktiń baspasóz qyzmeti taratqan aqparatqa sáıkes, onyń qyzmeti ákimdik qyzmetkeri sanatyna jatpaıdy.
«Ajar Ábdireshevanyń jubaıyn óltirgeni týraly aryz-shaǵymy boıynsha kúdikti adam «Almaty qalasynyń Sharýashylyq basqarmasy» JShS-da júrgizýshi bolyp jumys isteıtinin habarlaımyz. Qazirgi ýaqytta ol shtatta tirkelgen. Júrgizilip jatqan tergeý áreketterine baılanysty jumysta joq. Ol ákimdik qyzmetkeri sanatyna da, memlekettik qyzmetshi sanatyna da jatpaıdy. Er adam ákimdikke qyzmet kórsetetin «Almaty qalasy Sharýashylyq basqarmasy» JShS jumys isteıdi», - dedi JShS dırektory Q. Baıamanov.
Aıta ketý kerek, búgin Almaty turǵyny Ajar Ábdiresheva qala ákimi Baqytjan Saǵyntaevqa kúıeýiniń ólimine qatysty vıdeoúndeý jarııalaǵan bolatyn.
Keıin qala ákimi Baqytjan Saǵyntaev bul isti jeke baqylaýyna alyp , PD basshysyna isti obektıvti tergeýdi tapsyrdy.
