Almaty ákimdigi 4 mlrd teńgege jer telimderin satyp aldy

ALMATY. QazAqparat - Almaty ákimdigi jer telimderin satyp alýǵa 4 mlrd teńgeden asa qarjy jumsaǵan. Bul týraly óńirlik kommýnıkatsııalar qyzmetiniń baspasóz brıfınginde aıtyldy, dep habarlaıdy QazAqparat tilshisi.

«Bıyl 140 jer telimin satyp alý úshin respýblıkalyq jáne jergilikti bıýdjetten 6,1 mıllıard tenge bólingen»,-dedi qalalyq jer qatynastary basqarmasynyń bastyǵy Altynbek Ahmetov.

Onyń aıtýynsha basqarma  109 jer telimin satyp alýǵa 4,1 mıllıard teńge jumsaǵan.

Qalǵan 2 mıllıard teńge jyl sońyna deıin ıgeriledi. Jer telimderi transporttyq ınfraqurylmdy jetildirý úshin satyp alynǵan.

«Rysqulov -Emtsova jolaıryǵy, Rysqulov - Qulja tas joly, Nazarbaev dańǵyly, BRT jelileri qurylysyn damytý úshin qosymsha jer telimderi alynǵan»,-dedi basqarma basshysy.

Onyń aıtýynsha, Almaty terrıtorııasynyń jalpy aýmaǵy 63,8 myń gektarǵa teń. Olardyń 44 % eldi mekenderge tıesili bolsa, 5,7 myń ga  transport pen shıkizat telimi quraıdy. 8,9 myń ga aýylsharýashylyǵyna paıdalanýǵa berilse, 5,4 myń ga jer aýmaǵy jeke sharýa qojalyǵy men aýylsharýashylyǵy ónimderine bólingen. Erekshe qorǵalatyn tabıǵı aýmaqtar úlesi 31,9 %.