Almaty ákimdigi 28 Panfılovshylar parkinde aǵashtardyń nege otalǵanyn túsindirdi
ALMATY. QazAqparat – Almaty ákimdigi aǵash kesilgenine baılanysty narazylyq bildirgen turǵyndarǵa jaýap berdi, dep habarlaıdy QazAqparat tilshisi.
Munyń aldynda turǵyndar 28 Panfılovshylar parkindegi aǵashtardyń otalǵanyna narazylyq bildirgen bolatyn.
Bul sýretter áleýmettik jelide jarııalanyp, qyzý talqyǵa túsken edi.
Endi bul jazbaǵa baılanysty qalalyq ákimdiktiń Jasyl ekonomıka basqarmasy málimdeme jasady.
«Medeý aýdandyq ákimdigine 28 Panfılovshylar parkindegi qýraǵan, kári aǵashtardy kesýge ruqsat berildi. Keler joly eski aǵashtardy joıý jumystaryna mindetti túrde qoǵam belsendileri kiretin jumys toby qatysatyn bolady», - dedi basqarmadan.
Jalpy bul saıabaqta 24 aǵash kesiletin bolady.
