Almaty – Ahmet Baıtursynulynyń ómirinde úlken oryn alǵan qala – professor

ALMATY. QazAqparat - Almaty qalasynyń ult ustazy Ahmet Baıtursynulynyń ómirinde alar orny erekshe. Bul týraly halyqaralyq ǵylymı-tájirıbelik konferentsııada professor, M.Áýezov atyndaǵy Ádebıet jáne óner ınstıtýtynyń dırektory Kenjehan Matyjanov aıtty dep habarlaıdy QazAqparat tilshisi.

«Ahańnyń qaıratkerlik qyzmetiniń sońǵy kezeńi, tipti qýǵyn-súrginge ushyrap, atylǵanǵa deıingi kezeńniń barlyǵy Almatyda ótken. Almatyda Ahańnyń turǵan úıi bar. Qazaqsha aıtqanda, Almaty - Ahańnyń tabanynyń izi qalǵan, teri sińgen, qaıratkerlik qyzmeti ótken qala. Sondyqtan Almaty qalasynyń Ahańnyń mereıtoıynda alatyn mańyzy joǵary bolý kerek»,- dedi ǵalym.

Onyń aıtýynsha, Ahmet Baıtursynuly qyzmetinde áli zertteıtin, syry men qyry ashylmaǵan máseleler kóp.

«Máselen, Ahańnyń qazaqtyń jalpy ulttyq ıdeologııasyn jasaýdaǵy, jalpy túrkologııa máselesindegi úlken orny áli kúnge deıin tolyq zerdelenip bitken joq. Osyǵan oraı, bizdiń M.Áýezov atyndaǵy ádebıet jáne óner ınstıtýty Ahmet Baıtursynulynyń shyǵarmalarynyń akademııalyq tolyq shyǵarmalar jınaǵyn daıyndady, ol jaqynda basylyp shyǵady. Aıtý kerek, Ahańnyń shyǵarmalary áli tolyq jınalyp bitken joq. Onyń tabylmaǵan, áli jarııalanbaǵan eńbekteri bar. Mysaly, sońǵy kezde onyń Lenınge jazǵan úsh haty tabyldy. Osy úsh hattyń ózinen Ahańnyń ulttyq ustanymy, saıası kózqarasy, aıqyn, ashyq kórinedi» - dedi Kenjehan Matyjanov.