Almaty aglomeratsııasyn damytýdyń úsh kezeńdi baǵdarlamasy ázirlenedi - Saǵyntaev
ALMATY. QazAqparat – Almaty aglomeratsııasyn damytýdyń úsh kezeńdi baǵdarlamasy ázirlenedi. Bul týraly Almaty ákimi Baqytjan Saǵyntaev Instagram-paraqshasynda jazdy, dep habarlaıdy QazAqparat tilshisi.
«Premer-Mınıstr Asqar Mamın jumys saparymen qalamyzda boldy. Megapolıstiń damý máseleleri talqylandy. Almaty oblysy ákimdigimen ózara óńiraralyq bastamamyz Úkimettiń qoldaýyna ıe boldy. Premer-Mınıstrdiń tapsyrmasy boıynsha Almaty oblysynyń ákimimen, qarjy jáne Ulttyq ekonomıka mınıstrlikterimen birlesip, Almaty aglomeratsııasyn damytýdyń úsh kezeńdi baǵdarlamasyn ázirleıtin bolamyz. Azyq-túlik blogy baǵytynda naqty jumystar atqarylyp, budan ózge energetıka, kólik, densaýlyq saqtaý, turǵyn úı salasynda da birlesken jobalardyń tizbesi belgilendi»,- dedi Baqytjan Saǵyntaev.
Onyń aıtýynsha, birlesken jobalardy iske asyryp, ilgeriletý úshin Almaty men Almaty oblysynyń jobalyq keńsesin qurý qajet.
Baqytjan Saǵyntaev pen Almaty oblysynyń ákimi Amandyq Batalov qaı baǵytta jumys jasaıtynyn anyqtady. Olar:
1) qalamen shekaralas aýdandarda júıesiz qurylysty toqtatý;
2) almatylyqtarǵa beriletin baspanany kóterý úshin ýchaskeler aımaǵyn anyqtaý, ınjenerlik jáne áleýmettik ınfraqurylymdy damytý;
3) damyp kele jatqan shekaralyq aımaqtarda ShOB sýbektilerin damytý;
4) jumyspen qamtý;
5) qalaǵa kiretin kólik júktemesin azaıtý.
