Almaty abaqtysynda arandatý áreketiniń aldy alyndy
ASTANA. Tamyzdyń 2-si. QazAqparat /Ǵalymjan Hasenov/ - Almatydaǵy tergeý abaqtysynda otyrǵandar juma kúni uıymdastyrmaq bolǵan arandatý áreketteri júzege aspaı qaldy. Bul týraly Ádilet mınıstrligi Qylmystyq-atqarý júıesi komıtetiniń Almaty qalasy jáne Almaty oblysy boıynsha departamentiniń baspasóz qyzmetinen habarlady.
Penıtentsıarlyq vedomstvonyń baspasóz qyzmetiniń ókili Shynar Qusaıynovanyń aıtýynsha, búgin Almatyda óńirlik departament bastyǵynyń orynbasary Irına ıAkýpova men Almaty prokýratýrasynyń ókili Erjan Myrzakerovtyń qatysýymen osy oqıǵaǵa baılanysty brıfıng ótti.
Qazir anyqtalyp otyrǵandaı, abaqtyda otyrǵandar shildeniń 30-ynda týǵan-týystaryna jáne jaqyndaryna kómek surap qońyraýlar shalǵan. Nátıjesinde olardyń týǵan-týystary LA-155/1 túzetý mekemesiniń aldyna jınalyp, abaqtyda otyrǵandardy kórsetýdi talap etken. Jaǵdaıdyń tynyshtyǵyna kóz jetkizýleri úshin ishke birneshe áıel azamat kirgizilgen.
Buqaralyq aqparat quraldaryna taratylǵan baspasóz baıanynda atap kórsetilgendeı, bul oqıǵaǵa qatysty jaǵdaıdy negizinen abaqtyda otyrǵandardyń syrttaǵy týystary men jaqyndary ýshyqtyrǵan. Almaty ishki ister departamentiniń aqparaty boıynsha, qoǵamdyq tártipti buzǵan 38 adam, olardyń ishinde buryn sottalǵan azamattar da bolyp shyqty, jergilikti polıtsııa bólimine jetkizilgen, 29 adamnyń ústinen ákimshilik is qozǵalǵan.
Abaqty qyzmetkerlerine moıynsunbaý áreketin arandatqan tulǵalar anyqtaldy jáne basqa mekemelerge aýystyryldy. Qazirgi tańda tergeý abaqtysyndaǵy jaǵdaı turaqty, delingen baspasóz máslıhatynda.
