Almaty 7-Qysqy Azııa oıyndarynyń Alaý estafetasyn ótkizýge daıyn
ALMATY. 22 jeltoqsan. QazAqparat /Ádilet Musahaev/ - Búgin Almatydaǵy halyqaralyq tuǵyrdan shańǵymen sekirý kesheninde 7-Qysqy Azııa oıyndarynyń Alaý estafetasyn ótkizýge daıyndyq jumystary júrgizildi.
Shara barysynda arnaıy jasaqtalǵan eriktiler alaýdy qalaı alyp júrýdi belgilengen ereje boıynsha júrgizip, alaýgerlerge tapsyrý sátterin bir pysyqtap aldy. Sonymen qatar qazandyqqa alaýdy tamyzý jumystaryn birneshe ret qaıtalap, jattyqty.
Atalǵan estafetaǵa jalpy 1020 alaýger qatystyrylmaq, Almaty qalasynan - 80, qalǵan oblystardan - 60, al Astanada ótkiziletin alaý estafetasynyń aqtyq kezeńine 100 alaýger atsalyspaq. Sondaı-aq 1020 alaýger túgeldeı 30 qańtar kúni Astana qalasyndaǵy bas qazandyqta alaýdy jaǵýǵa qatysatyn bolady.
Buryn da aıtyp ótkenimizdeı, Almatydaǵy Alaý estafetasy Halyqaralyq shańǵymen tuǵyrdan sekirý kesheninen bastaý alyp, Astana alańynda márege jetedi. Baǵyttyń jalpy uzaqtyǵy 11,7 shaqyrym. Al jalpylaı alǵanda 15 myń shaqyrymnan asady.
