Almaty 28-shi Dúnıejúzilik qysqy Ýnıversıadanyń astanasy bolady
ALMATY. 28 qarasha. QazAqparat /Názıra Eleýhan/ - Almaty 28-shi Dúnıejúzilik qysqy Ýnıversıadanyń astanasy bolady, dep habarlaıdy qala ákimdiginiń baspasóz qyzmeti.
Búgin Almaty qalasy delegatsııasy qala ákimi Ahmetjan Esimovtyń basshylyǵymen Brıýsselge (Belgııa) keldi.
Erteń, 29 qarasha kúni onda 2017 jylǵy 28-shi Dúnıejúzilik qysqy Ýnıversıadany ótkizýge úmitker elder tanystyrylymdaryn jasaıdy. Almaty kandıdatýrasyn qala ákimi Ahmetjan Esimovtiń ózi usynatyn bolady.
Esterińizge sala ketsek, buǵan deıin 2017 jylǵy qysqy Ýnıversıadany ótkizýge eki qala - Almaty jáne Trento (Italııa) úmitker boldy. Alaıda, ekonomıkalyq daǵdarysqa baılanysty Italııa Úkimeti óz úmitkerligin alýǵa sheshim qabyldady. Almaty qalasynyń esh básekelesi joq bolǵandyqtan, Almatyny 28-shi Dúnıejúzilik qysqy Ýnıversıadanyń astanasy bolady deı berýge ábden bolady.
